KALIBO, Aklan—Nag-apela si Sangguniang Panlalawigan member ag Vice Gubernatorial aspirant Atty. Immanuel “Nolly” Sodusta nga indi eon pagbutangan it malisya ro tarpaulin ni Batan Mayor ag 1st district Congressional aspirant Rodell Ramos.
Raya hay matapos nga mataeupangdan it pilang residente sa banwa it batan ro nakakalhit nga tarpaulin ni Ramos nga imaw eamang ro naga-iseahanon sa litrato ag bukon it kaibahan ro anang ka-grupo nga sanday dating Kalibo mayor ag Gubernatorial aspirant William Lachica ag running mate kara nga si Atty. sodusta.
Suno kana nga indi dapat nga taw-an raya it maeain nga kahueugan bangud nga maskin imaw hay may ginapakalhit man nga tarpaulin nga naga-isaeahanon eamang ro anang litrato.
Apang may gin-produce man sigon sanda nga magkaibahan sandang tatlo.
Madumduman nga naging kontrobersiyal ro gulping pag-ober-da-bakod ni Ramos sa grupo ni Lachica halin sa mabuhay nga kaalyadong Tibyog-Akean.
Samtang, nagapati si Atty. Sodusta nga magiging hugut ro uman nga pag engkwentru nanday Bongbong Marcos ag Leni Robredo sa maabot nga eleksyon nga makaron hay sa pagka-presidente nga posisyon.
Sa Iloilo suno kana hay masyadong matunog ro pangaean ni Leni.
Sa probinsiya it Aklan, duda nana ro oposisyon hay magapabor kay Marcos samtang ro administrasyon hay kay Robredo.
makabig sigon nga politically motivated ro mga kasong ginpasaka kay BBM.
