KALIBO, Aklan—Kontra si Sangguniang Panlalawigan member Atty. Harry Sucgang sa ginaduso nga armasan ro pilang mga bumbero.
Raya hay bilang kaparte it pag-moderno it ahensya sa Bureau of Fire Protection ukon BFP.
Sa baylo suno kana hay dapat nga pabaskugon pa gid ro pagsanay sa mga raya sa first-aid kapareho it gina-obra sa estados unidos.
Nasayuran nga nagpaguwa it direktiba si Pangueong Rodrigo Duterte nga indi eamang limitahan sa fire-fighting ro trabaho it BFP, kundi nga magbulig man sa pagmintina it kalinong ag kaayusan.
Mag-eowas kara ro dugang nga proteksyon sa andang kaugalingon sa indi masayuran nga insidente samtang naga-responde sa sunog.
Gindugang pa ni Atty. Sucgang nga trabaho it pulis ro pagsukoe sa kriminalidad, illegal drugs, terorismo, ag violent extremism.
Madumduman nga humirit it dugang nga pondo ro BFP sa Department of Budget and Management (DBM) para ipangbakae it 29,286 nga 9MM firearms para sa uniformed BFP personnel.
Samtang, nagapati si Atty. Sucgang nga may ibang intensiyon si Pangueong Rodrigo Duterte sa anang pagsabak sa vice presidential race sa 2022 elections.
Gusto sigon kara nga maging successor president ag alibi eamang ro pag angkon it immunity agud nga malikawan ro mga kasong posibleng igapasaka kontra kana.
