Sambilog sa mga ginabantayan sa mga kasae hay ro wedding cake.
Raya ro nagaserbe nga major centerpiece sa reception it kasae.
Sa Catalan, Spain, sangka sobra kabahoe nga wedding cake nga nagatimbang it masobra sa 500 kilo ro ginhimo it Spanish pastry chef nga si Marc Suárez para sa sangka pribadong kasae it sangka Saudi couple sa Paris, France.
Naga-abot sa 3.5 meters ro kataason ag 1.8 meters ro eapad it cake, nga matsa kahawig it sangka mabahoe nga sculpture.
Nagbuhay it ap-at nga buean ro pag-obra ag ginaboeobanta nga 1,800 oras ro gin-ubos para raya hay matapos .
Kaibahan sa pinakamabudlay nga parte ro pag-obra ag pag-assemble it masobra sa 33,000 nga sugar-paste petals.
Sa pihak it kabilugan nga bug-at kara, 0.1 porsiyento eamang it bilog nga istruktura ro aktuwal nga cake, samtang ro kaabuan hay himo sa sugar paste ag white chocolate.
