Gindaea sa ospital si Office of the Vice President (OVP) Special Disbursing Officer Gina Acosta samtang imaw hay nagaatubang sa pagpamati it House Committee on Good Government and Public Accountability.
Nag-atubang sa kauna-unahang kahigayunan si Acosta matapos ro makapilang beses nga uwa pagtambong sa nasambit nga pagpamati.
Ginisa imaw ni Batangas 2nd District Representative Gerville Luistro kon ano ro anang papel sa pagiging Office of the Vice President Special Disbursing Officer kapin eon sa pag-disbures it confidential funds kon sa siin gin-ako kara nga ginsalig nana ro P125-Million pesos kay Vice Presidential Security and Protection Group (VPSPG) Commander Col. Raymund Lachica, ro security officer it Office of the Vice President.
Sa nasambit nga pagpamati hay ginhinyo ni Vice President Sara Duterte nga isuspendi temporaryo ro pagpamati para mataw-an it sangkiri nga hangin si Acosta.
Gin-ibhan ni Duterte si Acosta nga gindaea sa Veterans Memorial Medical Center.
Samtang, uwa eon sigon naga-eaum ro bise presidente it patas nga pagtrato bangud nga mismong sa gobyerno hay inde eagi mabuoe ro hustisya.
