-- ADVERTISEMENT --
Nabawi it 21-anyos nga speedcuber nga si Tommy Cherry ro Guinness World Records title matapos masolbar ro 3x3x3 Rubik’s Cube nga nakapiring sa sueod eamang it 11.56 segundo.
Nalista ni Cherry ro bag-ong world record ku Hunyo 28 sa Mid-Atlantic Quiet Championship 2026 sa Branchburg, New Jersey, nga naeampasan ro dating rekord nga 11.67 segundo nga gintaeana it Australian nga si Charlie Eggins ku Enero 10, 2026.
Unang nalista ni Cherry ro world record ku 2021 sa oras nga 15.27 segundo ag pilang uman eon man nana rayang napamayad sa mga sumunod nga dag-on.
Sa makaron, parehong buyot nanday Cherry ag Eggins ro rekord para sa pinakamadasig nga average nga oras sa blindfolded 3x3x3 Rubik’s Cube solve, matapos parehong maglista it 14.05 segundo.
