SPORTS News —- Magasirbing coach it team Durant ro Filipino-American coach it Miami Heat nga si Erik Spoelstra sa pagahiwaton nga NBA All-Star game sa Pebrero 20 sa Cleveland, Ohio.
Nabaton ni Spoelstra ro posisyon matapos maglista ro Heat it kartadang 34-20 nga pinakamayad nga record sa Eastern Conference Division hasta sa Pebrero 5.
Si Chicago Bulls Coach Billy Donovan ro nagsirbing contender para sa East apang napierde ro koponan sa score nga 119-108 kontra sa Philadelphia 76ers ko domingo rason nga natengga ro Bulls sa standing nga 33-20.
Sa ikaywang beses nga pagko-coach ni Spoelstra sa All Star, team captain si Durant nga star player it Brooklyn Nets.
Maka-atubang man nanday Durant ro team Lebron ni Los Angeles Lakers Superstar ag Captain Lebron James sa Western Conference Division ag ginapangunahan ni Coach Monty Williams it Phoenix Suns.
Buyot it Suns ro kartadang NBA-Best 42-10 record sa Western conference.
