Suplay it asukar sa Aklan, nagapabilin nga bastante

KALIBO, Aklan–Ginklaro it Office of the Provincial Agriculturist nga owa pa nagakaubusan ro suplay it asukar sa bilog nga probinsya it Aklan.

Ginpahayaag ni Mary Jane Alianza, Agricultural technologist ag Agri-business coordinator it Office of the Provincial Agriculturist nga ro problema eamang makaron hay ro masyadong mataas nga presyo it asukar.

Ginapatihan nga raya hay epekto it mataas nga presyo it diesel nga nagapangunang ginagamit sa makinarya sa pagproseso it asukar.

Sa pihak kara, nagaeaum sigon sanda nga maganaba eon ro presyo it asukar sa masunod nga mga adlaw bangud amat-amat eon nga nagnaba ro diesel.

Nasayuran nga nagapatigayun it price monitoring ro taeatapan kada adlaw it Miyerkules ukon sang beses sa sueod it sang dominggo.