Nagdihon it daywang urgent motion sa Office of the Ombudsman ro kampo ni Bamban, Tarlac Mayor Alice Guo nga nagaapela nga bawion ro gin-imponer nga an-om nga bueang preventive suspension kontra kana.
Sa gindihon nga Urgent Motion for Reconsideration ag Urgent Motion to Lift Preventive Suspension hay gin-insister ni Guo nga uwa imaw it saea ag bukon it makatarungan ro gin-imponer kana nga preventive suspension nga nag-ugat eamang sa anang pag-obliga sa trabaho bilang alkalde.
Ginpahayag ni Atty Stephen David, sambilog sa mga abogado ni Mayor Guo nga nagdihon it mosyon sa Ombudsman, uwa sigon it mabug-at nga ebidensya kontra sa anang kliyente ag mabug-at ro an-om nga bueang suspensyon.
Nagaeaum ro andang kampo nga insigidang resolbahon it Ombudsman ro andang mosyon eabi eon ag nakasalalay dikara ro pag-obliga ni Mayor Guo sa anang trabaho bilang ilihir nga opisyal it lokal nga gobyerno.
