Ginpanabaan it Swedish Parliament ro edad it criminal responsibility sa Sweden halin sa 15 paagto sa 14 anyos, bilang kaparte it tikang it gobyerno nga pabaskugon ro pagpatuman it laye kontra sa krimen.
Sa botohan sa parliament, 281 nga mamalidha ro nagboto it pabor sa bag-ong polisiya, kaibahan ro mga miyembro it oposisyong Social Democrats, samtang 66 man ro nagkontra.
Gusto kunta it gobyerno nga ipanaba pa sa 13 anyos ro edad it criminal responsibility, apang ginbawi ro proposisyon bangud nga owa raya nakabo-oe it bastante nga suporta sa parliament.
Magiging epektibo ro laye sa Setyembre 10, tatlong adlaw bago ro general election sa Sweden. Sa sueod it masobra sa sang dekada, padayun nga problema sa nasyon ro gang violence, partikular ro away it mga gang para sa kontrol it ilegal nga merkado it droga.
