BUSINESS News — Dapat makaangkon it transparency ro Sugar Regulatory Administration (SRA) sa ginasugid nga “Sweetheart Deals” kara sa mga mabahoe nga industrial users it refined ag bottler’s grade sugar.
Raya ro panawagan it senado , sang adlaw matapos ro deadline it SRA para sa sugar importation it sangka major softdrinks manufacturer ag iba pang processors it sugared products nga nabobo-oe it kontrata para sa libo-libong metriko toneladang asukar.
Gin-kwestiyon it Senate Committee on Economic Affairs kun ham-an nga gustong-gusto it SRA nga mag-import ag ano ro ginpromisa kanda it manufacturers it sugared products para mapasabat sanda it “I Do”.
Ginrason sigon it SRA ro kahalitan nga gintuga it bagyong Odette rason nga nagdesisyon nga mag-import it 200,000 metric tons it asukar.
Sa pihak kara, ginpahayag it pilang sugar farmer nga sangka sugar mill eamang ro nagsaradko kat mag-bagyo ag sa sueod eamang it sang domingo hay fully operational eon ro tanan nga sugar mill.
Nagpaandam pa ro senado nga posibleng indi masarangan it mga maintok nga sugar workers hasta sa masunod nga cropping season sa Setyembre kon magnaba ro farmgate price it asukar bangud sa magasueod nga imported sugar mag-eowas pa sa mataas nga presyo kara maskin ro mga produktong petrolyo.
