Ginpahayag it Syria nga ginaeuman kara nga uman nga magapadayun ro negosasyon sa Israel para sa sangka security deal nga tuyo nga mapahalin ro mga puwersang Israeli sa andang teritoryo.
Gin-engganyo ni Syrian Foreign Minister Asaad al-Shaibani ro Israel nga panipuslan ro nasambit nga kahigayunan para sa diplomasya, apang ginpamilit nga nagapangunang prayoridad anay it Damascus ro pagpapundo sa mga pag-atake it Tel Aviv.
Presenteng nagapadayun ro presensya it puwersa it Israel sa nakatungdan nabagatnan nga parte it nasyon kasunod it pagbagsak it rehimeng Assad ko 2024.
Mas pang nag-grabe ro tensiyon kat bombahan kan-o eamang it militar it Israel ro Abu al-Duhur airbase bangud sa alegasyong pagagamiton raya it Turkey, bagay nga hugut nga ginpamalibaran it gobyernong Syrian.
Suno kay Shaibani, maskin nga nakasugtanan eon dati ro pagtukod it mga buffer zone sa idaeum it United Nations, medyu nagalikaw ro Israel nga tumanon ro kasugtanan.
Sa pihak it kawad-an it kumpiyansa sa Israel, nagaeaum sa gihapon ro Damascus nga magabunga ro pagpamigos it Estados Unidos agud nga maibalik ro magtimbang nga parte sa pormal nga pag-istorya.
