Kalibo Aklan——Ginpasidunggan it Sangguniang Panlalawigan (SP) Aklan ro task force kapatid nga nagbulig sa Aklan Electric Cooperative (AKELCO) sa pagrestore it power supply sa bilog nga probinsya it Aklan nga nadaeasa it bagyong Ursula ko Disyembre 25, 2019.
Pinaagi sa resolution of commendation nga ginpangunahan ni Board Member Nemesio Neron, ginpasidunggan kara ro Ursula warriors of lights nga ginakaeakipan it Bohol Electric Cooperative Incorporated 1 and 2; Capiz Electric Cooperative Inc.; Cebu Electric Cooperative Inc. 1, 2 and 3; Misamis Oriental Rural Electric Cooperative Inc. 1 and 2; Misamis Occidental Rural Electric Cooperative Inc. 1 and 2; Zambaonga del Sur Electric Cooperative Inc. 1; Iloilo Electric Cooperative Inc. 1, 2 and 3; Lanao del Norte Electric Cooperative; Negros Oriental Electric Cooperative; Zamboanga del Norte Electric Cooperative Inc.; Central Negros Electric Cooperative Inc.; Northern Negros Electric Cooperative ag Antique Electric Cooperative.
Ro nasambitang task force kapatid hay ginpadaea it National Electrification Administration (NEA) agud nga mapadasig ro pagpatindog sa mga poste nga nagkaeatumba kamana agud nga maitakod gilayon ro mga wirings nga nagkaeabugto.
