Uman nga sumikeab ro tensyon sa border it Pakistan ag Afghanistan matapos ro serye it air strike it Pakistan nga nagresulta sa pagkamatay it indi magnaba sa 26 ginadudahang militante, suno sa report it bahin it Pakistan.
Suno sa Taliban government, 13 sibilyan kaibahan ro mga inunga ag sangka magueang ro namatay matapos tamaan ro pilang probinsya sa Afghanistan kapareho it Kunar, Khost, ag Paktika.
Ginpahayag it Pakistan nga ro operasyon hay parte it pagsabat sa mga insidente it terorismo ag tinarget ro mga hideout sigin ag training facility it militante.
Mabuhay eon nga may away ro daywang nasyon angot sa isyu it terorismo ag seguridad sa border, nga uman nga sumikeab matapos ro naunang ceasefire ku nagtaliwan nga dag-on.
Padayon man nga nagapanawagan ro internasyonal nga komunidad it de-escalation ag pagpabilin it kapayapaan sa rehiyon.
