KALIBO, Aklan — Nagresponde ro mga tawuhan it Solid Waste Management Unit it LGU-Kalibo, Department of Environment and Natural Resources (DENR)-Aklan ag mga barangay officials matapos haeos 10 truck karga ro mga higku maghalin sa septic tank sa isla it Boracay ro gin pilak sa bakanteng lote sa Sitio Guba, Brgy. Tigayon, Kalibo, Aklan.
Nauna eon nga nagreklamo ro mga residente bangud sa nagkalat nga sludge ukon eapok maghalin sa mga septic tank sa isla nga gina sugid nga ku Nobyembre 9 gin umpisahang hakuton sa nasambitang lugar.
Ro hingku hay naghalin sa treated sewage it Boracay Island Water Company Treatment Plant, ro naka-kontratang sewerage operator sa isla.
Depensa ni Bowen Paderes, naga panag iya it hauling company nga may una sandang disposal permit maghalin sa DENR.
Gin pahayag pa kara nga pagahimuon kontang fertilizer sa andang mga pananum sa nasambitang lugar ro mga eapok.
