KALIBO, Aklan — Padayun pa ro imbestigasyon it Bureau of Fire Protection (BFP) Kalibo sa posibleng rason it pagkaeayo it sangka tricycle samtang nga nagadaeagan sa kahabon it national highway nga sakop it Jaime Cardinal Sin Avenue, gabi-i it Biyernes, Disyembre 27.
Suno kay FO1 Janryl Magno it BFP Kalibo nga bandang alas-10:15 it gabi-i hay maabu ro nag-report kanda angot sa pagkaeayo it nasambit nga tricycle.
Ginasugid nga halin sa baeay it anang igmanghud sa C. Quimpo St. Kalibo ro tag-ana it tricycle nga si Ramil Ureta, sangka delivery rider ag nagapa-uli eon kunta sa andang baeay sa Brgy. Pook Kalibo kat gulping nag-asu ro idaeum it tangke it anang motorsiklo hasta nga eubusan nga nagkaeayo.
Sa mayad nga swerte ag naka-maong pants sigon ro driver ag insigidang nakahalin sa anang tricycle rason nga owa nakaangkon it anuman nga lastro.
Nagtuga man it trapiko ro natabu nga senaryo.
