Mahugot nga ginpamalibaran ni dating Senador Antonio “Sonny” Trillanes IV ro pahayag ni Davao Rep. Paolo “Pulong” Duterte nga may ginpaguwa eon nga arrest warrant ro International Criminal Court (ICC).
Suno kay Trillanes, uwa pa it opisyal nga warrant nga ginapaguwa ro ICC kontra sa sin-o man ag nagapabilin nga haka-haka eamang ro nasambit nga report.
Nauna kara, ginhambae ni Rep. Duterte nga may “highly reliable source” sigon imaw angot sa pag-angkon it warrant kontra sa pilang personalidad, kaibahan si Senador Christopher “Bong” Go, apang insigida rayang ginpamalibaran it mga awtoridad.
Ginklaro it Department of the Interior and Local Government (DILG) ag Philippine National Police (PNP) nga uwa sanda it nababaton nga anumang opisyal nga komunikasyon halin sa ICC.
Padayon gihapon ro imbestigasyon it ICC angot it war on drugs sa Pilipinas, apang uwa pa it ginapaguwa nga arrest warrant.
Nagpanawagan si Trillanes nga maglikaw sa pagpakalhit it bukon beripikadong impormasyon ag ginpunto nga naga-agi sa pormal nga proseso ro anumang aksyon it ICC.
