Ginhinyo ni Senator Bam Aquino nga magpatigayon it pagpamati ro senado angot it planong ipatuman it Department of Education (DepEd) nga trimestral system para sa School Year 2026-2027.
Bilang Chairperson it Senate Committee on Basic Education, ginpahayag ni Aquino nga importanteng mausisa ag maistoryahan it mayad ro reporma bago raya ipatuman.
Suno kana, dapat anay magpaidaeom sa maeapnagong konsulatasyon ro proposisyon agud masiguro nga inde raya maipatuman it padalus-dalos maskin nga suportado it komite ro mga repormang magasabat sa learning gap ag magapaugan sa mga manugturo sa presenteng ginapas-an nga non-teaching tasks.
Madumduman nga nauna eon nga ginpahayag it DepEd nga ginatun-an kara ro pagpatuman it trimestral system bilang kaparte it sangka “holistic approach” sa mas balanseng time management it mga estudyante ag mas masoehay nga pagturo it mga manugturo.
Samtang, ginaeauman nga magapaguwa ro DepEd it pinal nga policy guidelines sa mga masunod nga adlaw matapos ro konsultasyon sa mga stakeholder.
