Nakataeanang ideklara ni U.S. President Donald Trump bilang teritoryo it Amerika ro Strait of Hormuz matapos sigon nanda nga daeayon nga perdihon ro Iran.
Ginkumpirma raya ni Trump sa sangka political rally sa sangka police academy sa New York.
Madumdumang nag-umpisa ro opensiba it Estados Unidos ag Israel kontra sa Iran ku Pebrero 28, nga nagatuyo nga wakasan ro kontrobersiyal nga nuclear program it Tehran.
Bilang sabat, nagpatuman ro Iran it de facto control sa Strait of Hormuz, sangka importanteng ruta para sa pangkalibutanong transportasyon it langis ag iba pang produkto.
Samtang, nagapadayon sigon ro blockade it Estados Unidos sa mga daungan it Iran samtang ginaharangan man it Tehran ro pag-agi it mga sibilyang barko ag mga barko it U.S. Navy sa Strait of Hormuz.
