Nakataeana nga makipagpueong si US President Donald Trump kay Ukrainian President Volodymyr Zelenskyy sa NATO Summit sa Turkey makaron nga domingo, bangud tuyo kara nga maghimo it bag-o nga mga tikang agud tapuson ro giyera sa Ukraine.
Raya hay pagahiwaton makaron nga adlaw, Hulyo 7, hasta hin-aga, Hulyo 8, sa Presidential Palace Complex.
Unang makikipagkita si Trump kay Turkish President Recep Tayyip Erdoğan, ro host it summit, kamana man kanday Syrian President Ahmed al-Sharaa ag maghiwat it press conference.
Suno sa sangka mataas nga opisyal it Estados Unidos, ro mga presidente it Amerika ag Ukraine hay ginaeauman nga magapueong sa Miyerkules, agud istoryahan ro pagtapos it inaway.
Mag-eowas sa peace talks, magahinyo man si Trump sa mga kaalyado it NATO nga dugangan ro andang paggastos sa depensa.
