REGIONAL News — Grabe ro pagkakibot it sangka caretaker halin sa Barangay Binaliuan Menor bangud sa tumaeagsahon nga itsura it sangka orok nga natawo ko nagtaliwan nga adlaw it Huwebes sa nasambit nga lugar.
Suno kay Romulo “Molong” Tubola, caretaker it babuyan, eubus ro anang pagkakibot kat makita ro itsura it orok nga owa it buho ro ilong, nakausli ro dila, ag may sambilog eamang nga mata sa tunga.
Ginpahayag ni Tubola nga ro orok hay sambilog sa siyam nga gin-unga it sangka nayon nga anang gina-alagaan. Ginpahayag dugang nga owa raya it ikasarang nga magsuso sa anang ina rason nga ginapa-inom nanda raya it tubi nga ginahaluan it asukar.
Ginklaru man ni Tubola nga owa imaw it plano nga ibaligya ro tumaeagsahon nga orok bangud nga plano nana raya nga alagaan.
Sa pihak it mga depekto kara, nagapabilin ro pageaum it caretaker nga mabubi ro orok.
Ro owa ginaeauman nga pagkatukib sa kakaibang orok hay nakapukaw it interes halin sa mga residente it Tigbauan nga nag-usyoso angot sa kondisyon kara ag sa posibilidad it pag-angkon it kaparehong mga kaso sa paeaabuton.
