NATIONAL News — Sangka turista ro namatay sa sangka masadya kunta nga water activity sa sangka resort sa Lapu-Lapu City resort ko domingo nga adlaw, Hulyo 21.
Makita sa sangka video nga samtang nagapungko ro 43-anyos nga turista sa punta it jumping balloon hay nag-eumpat man ro staff sa pihak nga punta.
Sa baylo nga sa tubi, tumama ro ueo it turista sa jumping balloon antes nga bumagsak sa tubi.
Naeowas it staff ro turista kat mataeupangdan nga owa raya nagahueag ag insigidang gindaea sa ospital.
Suno sa kapulisan nga ro rason it pagkamatay it turista hay spinal injury bangud sa water sports, base sa anang death certificate.
Ginpahayag man it manager it resort nga gintaw-an ro mga bisita it mga instruction antes magpadayun sa mga extreme water sports.
Dugang pa nga haum sanda nga mag-offer it anuman nga danyos.
Owa pa it impormasyon kun magapasaka it kaso ro pamilya it biktima kontra sa resort.
Ginmandu it Lapu-Lapu City tourism office ro temporaryong pagpasarado it resort para taw-an it daean ro imbestigasyon.
