KALIBO, Aklan—Umabot sa 92 percent ro kabilugang turn-out it enrollment maghalin sa kindergarten hasta it senior high school hasta kahapon July 14,2020 sa pampublikong eskwelahan sa bilog nga probinsya it Aklan.
Suno kay Assistant School’s Division Superintendent Jose Niro Nillasca it Department of Education (DepEd), sa kindergarten sigon hay 83 porsyento ro nagpa-enroll; elementary halin it grade 1 hasta it grade 6 nga may 90 porsyento nga nagpalista; Junior high school nga may 91 porsyento ag senior high school nga nagtaas it 106 percent ro mga nagpaenroll makaron nga school year 2020-2021 sa tunga it ginapangatubang nga pandemya.
Ginatan-aw sigon it opisyal nga nagsaylo sa pampublikong eskwelahan ro mga estudyante nga una sa pribado rason nga ro senior high school hay nagtaas ro enrollees kon ikumpara ko nagtaliwan nga dag-on.
Aminado si Nillasca nga bukon it syento porsyento nga haom ro DepEd Aklan sa nakataeana nga pagbukas it klase sa Agosto 24 apang positibo sigon sanda nga mapun-an ro andang obligasyon sa pihak it mga sab-eag nga tuga it pandemya.
Madumduman nga nag-umpisa ro remote enrollment ko June 1-15 ag ko June 16-30 hay physical enrollment.
Apang bangud sa manaba nga enrollment turn-out kamana man agud nga mataw-an pa it dugang nga kahigayunan ro mga ginikanan nga mapalista ro andang mga onga hay ginpaeawig it DepEd ro enrollment it 15 diyas nga magatapos makaron nga adlaw, July 15, 2020.
