Opisyal eon nga nagsumite ro Ukraine it aplikasyon para magpasakop sa North Atlantic Treaty Organization (NATO) pilang oras matapos nga gin-anunsiyo ni Russian President Vladimir Putin sa ginpatigayon nga seremonyas sa Kremlin ro annexation sa ap-at nga teritoryo kara.
Sa sangka diskurso nga ginpakigbahin ni President Volodomyr Zelensky nga anang ginhimu ro “decisive step” ngara hay para protektahan ro bilog nga komunidad it mga Ukrainian.
Nagpromisa si Zelensky nga matabo ro aplikasyon sa madasig nga pamaagi.
Samtang, owa man ginkilaea ni Zelensky ro seremonya sa Moscow sa pagdeklara it annexation sa ap-at nga teritoryo nga Lugnask, Donetsk, Kherson, ag Zaporizhzhia.
Sa panig man it NATO, ginpahayag ni Secretary General Jens Stoltenberg nga suportado it mga member statesro kinamatarong nga pumili it Ukraine it kaugalingon nga daean.
Nagpadumdum man nga ro ano man nga desisyon sa pagpasakop it Ukraine hay dapat himuon it tanan nga 30 miyembro it NATO.
