KALIBO, Aklan—Naging maayos ro pag-umpisa it unang adlaw it pagsumite it certificates of candidacy para sa mga magapadaeagan sa 2023 Barangay and Sangguniang Kabataan elections.
Suno kay Atty. Christian Itulid, municipal election officer it banwa it Kalibo nga kaabuan sa mga nagakandidato ag mga kaibahan kara hay nagasunod sa ginpatuman nanda nga pakataran.
Bangud sa maisot nanda nga opisina, ginpatuman sigon ni Atty. Itulid nga magtaeana it schedule sa pag-file it COC it kada barangay.
Apang ginklaru nana nga padayun nanda nga ginabaton ag owa ginapamalibaran ro pilang mga naga kandidato nga gustong magdihon it COC nga guwa sa andang schedule.
Sa pihak nga parte, nakalista sigon sanda it pilang mga problema sa gin-file nga COC, apang minor glitches eamang partikular ro owa na-fil-apan nga portion it nasambit nga dokumento ag iba pa.
Ro naka-schedule makaron nga adlaw hay ro barangay Poblacion ag Mobo, Kalibo.
Ro Comelec hay magabaton it COCs hasta sa Sept. 2, umpisa alas-8:00 it agahon hasta alas-5:00 it hapon.
