Ginpahayag ni U.S. President Donald Trump ro handum it Estados Unidos nga kontrolon ro Strait of Hormuz ag dumaeahan ro seguridad sa importanteng rutang gina-agyan it haeos 20 porsiyento it suplay it langis sa bilog nga kalibutan.
Parte man it plano it anang administrasyon ro uman nga pagpatuman it naval blockade kontra sa Iran ag pagpapanaog it 20 porsiyentong toll fee sa mga kargamentong maga-agi sa nasambit nga ruta.
Kasunod raya it uman nga pagtaas it tensyon sa tunga it Estados Unidos ag Iran matapos ro panibag’ong bayluhan it air strikes.
Bangud kara, sumaka it masobra 3 porsiyento ro presyo it Brent crude sa haeos $80 kada bariles, samtang naapektuhan man ro pilang stock market sa Europa ag Asya ag sangkiri nga naghinay ro U.S. stock futures.
