KALIBO, Aklan—Uwa pa it ginapatigayon nga job hiring ag uwa man it job vacancies makaron nga panyempo.
Raya hay suno kay Public Employment Service Office (PESO) Aklan head Vivian Solano-Ruiz sa interview it Bombo Radyo Kalibo.
Ginpahayag dugang nga nagahueat pa sanda it mga kumpanya nga magpaabot kanda it letter of intent agud nga mataw-an it trabaho ro mga nagakinahang-ean ag naga-usoy sa tunga it pandemya.
Apang, uwa pa sigon it kumpanya nga nagarisgo nga magbaton it mga empleyado bangud sa kamatuoran haeos tanan nga kumpanya makaron hay nagakuliit sa manaba nga kita partikular ro mga bukon it essential.
Pag-abot sigon sa overseas hay may naghana nga makaangkon it employment recruitment apang inde pa pwede makabyahe paadto it Maynila vice versa kun bukon it importanteng mayad ro panaw.
Maabo sigon ro ginasaalang-alang nga mga limitasyon rason nga diskarte ag creativeness ro kinahang-ean makaron nga tyempo agud nga makaangkon it pagkakitaan sa legal nga pamaagi.
