Voice actress nga sa likod it anime character nga si Nobita sa Doraemon, nagtaliwan eon sa edad nga  88

SHOWBIZ News — Nagtaliwan eon sa pihak nga kinabuhi sa edad nga 88 ro boses sa likod it karakter nga si ‘Nobita’ sa Japanese manga ag anime series nga Doraemon.

Ginkumpirma it ahensya nga 81 produce nga nagtaliwan si Noriko Ohara, ro voice actress it nasambit nga karakter.

Gin-anunsyo man ro balita it anang pagtaliwan sa anang opisyal nga X account.

Dugang pa nga namatay ro aktres ko Hulyo 12 matapos nagpaidaeum sa sangka treatment apang owa eon ginmitlang it 81 produce kon ano ro inagihan nga masakit it aktres nga naging rason it anang kamatayon.

Si Ohara hay nangin kilaea sa pagdaea it limog ni Nobita sa 1979 TV run it Doraemon ag ro 2015 spin – off film, Doreamon: Nobita’s Great Adventure in the South Seas.