KALIBO, Aklan — Patay ro sangka eaeaki samtang kritikal ro anang angkas matapos nga bumangga ro anang ginamaneho nga motorsiklo sa sangka tricycle sa national highway nga sakop it Brgy. Libas, Banga, Martes it hapon.
Nakilaea ro rider nga si Remegildo Isturis, sa legal nga edad samtang ro naninahan hay si Jhonrey Oquendo, 15, parehong residente it Brgy. Polocate sa nasambit nga banwa.
Base sa report, pauli eon kunta ro daywa halin sa eskwelahan matapos nga sueangon ro anang gumankon sa Poblacion Banga, apang ginasugid nga raya hay naka-inom it aeak.
Nagatuhaw nga gulpi sigon nga naagto sa pihak nga linya ro motorsiklo nga bumangga it “head on” sa pampasaherong tricycle nga ginamaneho it sangka Vincent Romero, 46, residente it Brgy. Agbanawan, Banga nga may sakay nga sangka pasahero.
Sa kabaskog it pagbangga, inapok pa ro rider nga gindeklarang dead on arrival sa sangka pribadong ospital samtang ro anang angkas hay padayun nga ginabueong sa Aklan Provincial Hospital bangud sa naangkon nga mga nina sa eawas.
Ginapatihan nga nakadupilok ro driver samtang nga nagamaneho.
