KALIBO, Aklan—Kapin sa napueo ka mga indibidwal ro natigayon nga dakpan it pulisya sa andang pagpatrolya sa nagapangunang daeanon sa banwa it Kalibo.
Ro nasambit nga mga indibidwal hay nag-eabag sa nagairal nga curfew ordinance.
Bangud kara, temporaryo sandang ginkustudiya sa Kalibo Police Station samtang ro iba kanda hay gin-imponeran it penalidad pinaagi sa citation ticket.
Madumduman nga ginpatag-uran pa it gobyerno probinsya ro curfew maghalin sa alas-11:00 it gabi-e hasta it alas-4:00 it aga-aga.
Raya hay kasunod sa pagpaidaeom sa probinsya it Aklan sa Alert Level 2 kon sa siin haeos tanan nga establishimento ag negosyo hay pwedeng magbukas it hasta sa alas-10:00 it gabie pati eon man ro mga pampublikong transportasyon.
Nasayuran nga haeos kada gabi-e hay puno it mga tawong nagapmasyar ro Kalibo pastrana park halin kat ginpasugtan eon nga makaguwa ro mga onga ag pamatan-on kamana man gusto nga makit-an it mga raya ro Iwag it Kalibonhon.
