NATIONAL News —- Ginpahayag it Department of the Interior and Local Government (DILG) nga 12 halin sa 17 nga rehiyon sa nasyon ro nagsumite it listahan it mga indibiduwal nga hasta sa makaron hay owa pa nagpabakuna kontra sa coronavirus disease 2019.
Suno kay DILG Secretary Eduardo Año, ro nasambit nga data hay nagatuyo nga pasugtan ro gobyerno nga taw-an it atensyon ro mga komunidad ag mga barangay nga naaywan eon sa nagapadayun nga vaccination program.
Ko Pebrero 2 hay nakaangkon sigon imaw it pueong kaibahan ro local government units (LGUs) kun sa siin pagataw-an it gobyerno it “appropriate focus” ro mga lugar nga may manabang vaccination rates ag magadugang it mga volunteers kamana man nga mas maabu pang bakuna ro iga-deliver.
Dugang pa ni Año nga indi magapundo ro gobyerno sa pagsueong it “massive information campaign” bangud sa importansiya nga makatau it proteksyon kontra sa virus pinaagi sa Covid-19 jab nga may tuyo nga mapataas ro public trust sa bakuna.
Nasayuran nga target it gobyerno nga mabakunahan ro 2 milyong indibidwal para sa first dose ag 4 milyon man para sa booster shots sa bilog nga nasyon sa igakasa nga pangatlong ‘Bayanihan, Bakunahan’ edition sa Pebrero 10 ag 11.
