Balitang Espesyal ——-Nakalista it world record ro sangka alahero sa India matapos nana nga mahimo nga paiguon ro 12,638 bilog nga diyamante sa sangka singsing.
Suno kay Harshit Bansal , nag eskwela it jewelry design ko 2018 kat una nana nga maisipang mag testing para makabo-oe it Guinness record para sa pinakamaabung ginpa-igo nga diyamante sa sangka singsing.
Matapos ro tatlong dag-on, naangkon man ni Bansal ro anang ginahandum nga matapos eon nana ro “Ring of Prosperity,” nga naga-angkon it libu-libong bilog it natural nga diyamante.
Opisyal nga ginkilaea it Guinness ro singsing bilang record-breaker matapos nandang huyapon ro 12,638 nga diyamante kara.
Ro dating may buyot it record hay sangka singsing nga himo man sa India nga may 7,801 man nga diyamante.
