Kalibo Aklan ——Bawae ro mga pagtipon tipon ag pag-inom it aeak sa makaron agud nga indi eon magkalhit ro makamaeatay nga coronavirus disease (COVID-19).
Apang owa raya nakapugong sa daywang elepante sa Yunnan Province, China nga nagpanaog halin sa bukid ag naka-abot sa taeamnan it tsa-a.
Nadiskubre nanda sa tunga it taeamnan ro naka-eubong nga cornwine nga nakabutang sa mabahoe nga bueutangan ukon vat.
Gin-inom tanan it daywang elepante ro sueod it vat.
Bangud kara, nahilong ro mga raya ag natueogan sa taeamnan it tsa-a
Nakibot ro tag-ana it taeamnan kat makita ro mga elepante nga hamuok ro tueog .
Kat tan-awon it tag-ana ro anang gin-eubong ag gintipon nga cornwine sa vat, ubos eon raya.
Nahulaan nana nga ro mga elepante ro nag-inom it anang aeak.
Suno sa report, mahilig gid man sa aeak ro mga elepante.
Kon nagapanaog sigon ro mga raya sa bukid, madaling nahumgan ag nakita it mga raya ro mga baeay nga oeobrahan it aeak ag ginasalakay ag gina-inom ro aeak .
Kon indi sigon maubos ro aeak sa lugar hay gina-markahan sigon it mga raya ag dayun nga ginabalikan pagkatapos it pilang adlaw.
Suno sa pilang researchers, ro pag-inom sigon it aeak it mga elepante hay pamaagi it mga raya agud nga ma-sanitize ro andang trunks.
