SPORTS News — Ginpasugtan it International Olympic Committee (IOC) nga makahampang sa 2024 Paris Olympics ro daywang boksidor nga owa nakapasar sa gender eligibility tests ag na-disqualify sa World Championships ko nagtaliwan nga dag-on.
Raya hay sanday Imane Khelif it Algeria nga na-disqualify pilang oras antes ro anang gold medal bout sa women’s World Championships sa New Delhi it nagtaliwan nga dag-on ag double world champion Lin Yu-ting it Taiwan nga nauyang ro anang bronze medal sa kapareho nga kompetisyon matapos napaseawan nga maabot ro eligibility criteria it International Boxing Association (IBA).
Nauna eon nga ginpahayag ni IBA president Umar Kremlev nga ro nasambit nga mga boksidor hay may una nga “XY chromosomes.”
Nasabat sigon it daywang babayeng boksidor ro rules it Paris Olympics sa pihak nga nakaangkon sanda it isyu sa gender test sa world championships.
“All athletes participating in the boxing tournament of the Olympic Games Paris 2024 comply with the competition’s eligibility and entry regulations, as well as all applicable medical regulations in accordance with rules 1.4 and 3.1 of the Paris 2024 Boxing Unit,” ro pahayag it IOC.
