Ginkumpirma it Malacañang nga nagbuhi sa andang puwesto ro daywang undersecretaries it Department of Health ukon DOH nga sanday Randy Escolango ag Dr. Glenn Mathew Baggao.
Suno kay Palace Press Officer Atty. Claire Castro, parehong nagapangatubang sa mga reklamo sa Office of the Ombudsman ro daywang opisyal antes ro andang pag-buhi sa pwesto.
Si Baggao hay nagapangatubang sa graft complaint angot sa pagkaimbolbar sigon it anang manghod sa mga infrastructure project nga nagakahaega it P140 milyon, kaibahan ro mga proyekto sa mga pabueungan.
Samtang, si Escolango hay nagapangatubang man sa reklamo kaibahan si dating Health Secretary Teodoro Herbosa angot sa pag-ilihir sigon sa pilang nagapangunang posisyon ag uwa pag-sunod sa ginatawag nga “standard fiscal checkpoint.”
