2 wanted sa laye, magkasunod nga naaresto sa banwa it Nabas

Arestado it kapulisan ro daywang wanted sa laye sa gahum it warrant of arrest sa ginkasa nga manhunt charlie operation sa magkaseparadong lugar sa banwa it nabas, adlaw it Lunes, Hunyo 10, 2024.

Unang nadakpan si alyas Raffy nga kaibahan sa top 10 most wanted it Police Regional Office 6 bangud sa kasong rape.

Gin-aresto ro suspek samtang naka hospital arrest matapos nga maeakot sa sangka aksidente.

Owa it piyansa nga gintaeana ro korte para sa anang temporaryong kahilwayan.

Samtang, nadakpan mat-a sa Libertad, Nabas ro sangka eaeaki nga wanted sa kasong pag-eabag sa PD 705 ukon Illegal Logging.

Kapin sa P10,000 ro gintaeana kana nga piyansa para sa anang temporaryong kahilwayan.