-- ADVERTISEMENT --
KALIBO, Aklan — Nasapwan eon nga owa it kabuhi ro sangka 20-anyos nga eaeaki sa baybayon nga sakop it Sitio Agbucad, Brgy. Aquino, Ibajay kahapon.
Ginkilaea ro biktima kay Aljhon Sansolis ag residente it Brgy.Alimbo Baybay, Nabas.
Suno kay Police Corporal Jacquilyn Maylas it Ibajay PNP, nakita eon lang sigon ni Ethelyn Sansolis, ina it biktima, nga nagahamyangon ag owa eon it kabuhi ro anang unga sa binit it baybay.
Nasayuran nga may masakit nga epilepsy ro nasambitan nga biktima.
Ginapatihan man nga inatake raya samtang nagapanikangon sa baybayon nga nagresulta sa anang pagkaeumos.
Hugot man ro pagpati it pamilya it biktima nga owa it foul play nga natabo sa insidente.
Ginpadaeom man ro bangkay kara sa post mortem examination.
-- ADVERTISEMENT --
