KALIBO, Aklan—Patay ro sangka eaeaki matapos nga magbigti sa sueod it anang kwarto kaina it agahon sa Purok 2. C Lazerna Street, Kalibo.
Base sa report nasapwan eun lang it anang ina nga owa eun it kabuhi ro ginabana-bana nga una sa edad 21 anyos nga binata kaina mga bandang alas 8:00 it agahon.
Ginasugid nga kabi-e hay nagkipag-inuman pa ro biktima kaibahan ro anang mga kaparyentehan kun sa siin namitlang pa kara ro anang problema pag-abot sa paghigugma.
Nakaistorya pa sigon it biktima ro anang ex-girlfirend antes nga natabo ro insidente.
Nasayuran nga gingamit it bitkima ro extension cord nga ginkabit sa mismong dingding it anang kwarto nga may haeos tatlong metro eamang ro kataason.
Sa makarun hay nagapadayun pa ro imbestigasyon it mga kapulisan sa insidente.
Samtang kung may problema ka ag gusto mo it kaistorya,puwedi kang tumawag sa:National Center for Mental Health Crisis Hotline (NCMH-USAP) sa 0917-899-USAP (8727) ukon sa 7-989-USAP (8727).
Puwedi man nga magtawag sa Hopeline PH 24/7 hotlines: 0917-558-4673 (Globe), 0918-873-4673 (Smart), 2919 (toll-free for Globe and TM).
