Kalibo Aklan——-Nagapadayun pa ro imbestigayun it mga otoridad angot sa posibleng motibo it pagpamaril sa sangka 22-anyos nga babaye maeapit sa dating Barangay hall it Brgy. Andagao, Kalibo.
Namatay samtang ginabueong sa sangka pribadong ospital ro biktimang si Nadynne Faith Medina alyas Nadia.
Ro biktima hay nag-angkon it sangka tama it baril sa dughan ag ginasugid nga sangka 45 pistol nga baril ro ginamit it owa pa makilaeang suspek sa pagbaril kana.
Suno kay Jomar Tenioso, sangka residente sa lugar, nakabati sanda it daywang eupok it baril ag may nagsinggit nga nagapangayo it tabang.
May kaangtanan kara, gilayon sandang nagtawag sa Kalibo PNP para magpangayo it ayuda.
Suno kana nga sangka mabuot nga tawo ro anang pagkakilae sa biktima.
Nasayuran nga nagabaktas pauli si Medina matapos rayang magbakae it bueong sa botika kat matabo ro insidente.
