KALIBO, Aklan—Ginaeauman it lokal nga gobyerno it Aklan ro kapin sa 23 nga international cruise ships nga magabisita sa isla it Boracay hasta sa matapos ro dag-on 2025.
Suno kay Mr. Niven Maquirang, officer-in-charge of the Port Cruise Ship Operation and Special Project nga waeo sa nasambit nga mga cruise ships hay ginaeauman nga magaabot antes matapos ro presenteng dag-on.
Kaeabanan sa mga pasahero it mga cruise ships hay magapanaog sa Boracay para sa mga one-day tours.
Ginpahayag dugang ni Maquirang nga sangka ahensya maghalin sa South Korea nga nakatutok sa industriya it maritime ro magaadto sa Aklan agud magbulig sa pag-transform it probinsya bilang sangka cruise ship hub.
Ginaeauman man ro pagpirma it sangka Memorandum of Understanding (MOU) sa tunga it gobyerno probinsyal it Aklan ag nasambit nga ahensya.
Samtang sa pihak nga parte, magaumpisa eon ro operasyon sa dredging it P298.34 milyong port project it Philippine Ports Authority sa masunod nga buean.
Ro nasambt nga proyekto hay nagatuyo nga magpatindog it sangka modernong cruise ship port sa banwa it Buruanga.
