Nag-aywan it P478 million nga haega it kasamaran sa agrikultura ag imprastraktura ro 3 magkasunod nga bagyong tumama sa Pilipinas makaron nga buean it Nobyembre.
Sa datos it National Disaster Risk Reduction and Management Council (NDRMMC) makaron nga Martes, nakalista it P469.8 million nga haega it kasamaran sa sektor it imprastruktura sa Cagayan Valley, Central Luzon ag Cordillera Administrative Region (CAR) bangud sa bagyong Nika, Ofel ag Pepito.
Sinamad man it nagtaliwan nga bagyo ro una sa P8.6 milyong nga haega it mga pananom, livestock ag mga kagamitan nga pagpanguma.
Naapektuhan man ro 1.8 milyong Pilipino kun siin 453,000 ro nagbakwit paadto sa mga evacuation center.
Samtang, presente nga ginaberipika eun it ahensiya ro naireport nga mga namatay halin sa 3 bagyo nga nauna eun nga nareport it mga lokal nga opisyal nga una sa 8 katawo eun ro namatay kun siin 1 kara hay sa Camarines Norte apisar raya hay ginakumpirma kun may kaangtanan sa bagyo ag sa 7 man ro Nueva Vizcaya bangud sa landslide samtang una sa 25 katawo ro naireport nga naninahan sa kalamidad.
