KALIBO, Aklan – Ginpabugae it Philippine Coast Guard (PCG) ro sangka hamili nga hitabo sa pag’eayag nga magkaibahan ro 3 barko it PCG ag BRP Teresa Magbanua sa Escoda shoal ku Lunes.
Sa sangka post sa social media account nga X, hinambae ni PCG spokesperson for the West Philippine Sea Commodore Jay Tarriela nga nag’ubra it sangka remarkable sight.
Suno kana nga gin’ibhan nga ideploy eun ro tatlong 44-meters multirole response vessels ng PCG nga may bow number nga 4402, 4404 ag 4409 ro BRP Teresa Magbanua sa Escoda shoal matapos nga madinaeag-on nga makumpleto ro andang resupply missions sa eain-eain nga maritime features kung siin may Coast Guard Sub-stations ro PCG bago bumalik sa pantalan.
Gin-umpisahan ku Abril, gindeploy eun it PCG ro sangka pinakamabahoe ag pinakamoderno kara nga barko nga BRP Teresa Magbanua sa Escoda shoal bilang sabat sa presensiya it Chinese militia vessels ag mahimo nga reclamation activities it China sa lugar.
Angot kara, ginpahayag pa ni Comm. Tarriela nga bilang sangka PCG officer ag proud Filipino, ginapabugae kara nga masaksihan ro atong mga sakyang pandagat nga bilog nga ginapabugae nga ginawagaywagy ro atong bandera.
Nagaserbi sigon raya nga simbolo nga uwa nahuhuyang ro commitment para sa pagpabilin ag pagpamilit it atong lehitimong posisyon sa WPS.
Apang, kabaliktaran man raya sa bahin it China nga ginkaakig ro nasambitan nga deployment it mga barko it PH.
Sa report halin sa state-run media nga Global Times, uman nga gin-akusahan it China partikular ni CCG spokesperson Gan Yu ro Pilipinas nga nagapadaea it mabahoe nga numero it mga suplay ag sigon hay mga construction material para magpatindog permanenteng pasilidad sa Escoda shoal.
Pamilit man it China Coast Guard nga ro naging tikang sigon it Pilipinas hay eumabag sa indisputable sovereignty it andang nasyon sa Spratly islands chains kaibahan ro Xianbin Jiao o Escoda shoal.
Apang, sa bahin it Pilipinas, pahayag man ni Philippine Navy spokesperson for the WPS Rear Admiral Roy Vincent Trinidad nga gina-exercise eamang it PH ro sovereign rights kara sa kaugalingon nga kaeawan.
Angot kara, padayunon sigon it PH ro pagsiguro sa integridad sa atong teritoryo ag pagproteksyon sa atong soberanya.
