KALIBO, Aklan—Ginapabugae ni Kalibo sangguniang bayan member Matt Aaron Guzman ro pag-apruba it konseho sa tatlo sa anang gindihon nga resolusyon.
Raya hay ginaeakipan it pag-request kay Secretary Manuel Bonoan it Department of Public Works and Highways ukon DPWH nga magtukod it street lights halin sa boundary it Brgy. Mabilo, Kalibo – New Washington hasta sa Kalibo international airport kamana man sa kahabaon it Barangay Tigayon diversion road paagto sa banwa it Lezo sa ginakabig nga longest bridge sa bilog nga Western Visayas.
Kaibahan pa sa naaprubahan ro resolution nga nagahinyu nga ma-rehabilitate ag mapa-improba pa gid ro childrens playground sa Kalibo pastrana park.
Suno kay Guzman nga imaw man ro naging instrumento kon ham-an nga napaiwagan ro daeanon paagto sa Kalibo airport ko 2019 rason nga makaron nga 2022 hay nag-request imaw it uman sa nasambit nga ahensiya agud nga mapaeawig pa ro mabutangan it streetlight.
Kaibahan pa sigon sa anang resolusyon nga aprubado eon sa unang pagbasa hay ro pagtukod it scholarship program ag pagtaeana it pondo it lokal nga gobyerno it Kalibo.
