KALIBO, Aklan—Napasa-alima eon it 30 ka mga famers organization ag kooperatiba ro nagkaeain-eain nga farm machineries maghalin sa Office of the Provincial Agriculturist kahapon, Nobyembre 10.
Ginpatigayun ro distribusyon sa Aklan Grains Processing Center nga nahamtang Brgy. Nalook, Kalibo.
Suno kay Salome David it Office of the Provincial Agriculturist nga tuyo it programa nga mabuligan ro mga natungdan nga organisasyon nga makaangkon it kompletong makinarya sa andang pagpanguma.
Mabahoe sigon raya nga ginhawa sa mga lokal nga mangunguma bangud makabulig rayang mapanaba ro andang ginagastos sa andang eugta ukon eanas nga gina-umahan.
Kaibahan sa gintaw-an it dugang nga makinarya ro mga grupo it rice, corn ag vegetable farmers sa bilog nga probinsya.
Ro nasambit nga programa hay nag-umpisa ko dag-on 2017 kung siin ginatinguhaan sigon it taeatapan nga makapanupod it makinarya kada dag-on.
Nasayuran nga naga-abot sa P13.5 million ro pondo nga gintaeana it gobyerno probinsyal para sa nasambit nga programa makaron nga dag-on.
