KALIBO, Aklan—Nagapangatubang sa kasong frustrated homicide ro sangka 37 anyos nga eaeaki matapos nga barilon ro anang kasimaryo sa Brgy. Lalab, Batan.
Ginkilaea ni P/Lt Gilbert Batiles it Batan Municipal Police Station ro biktima nga si Ernie Francisco, 46-anyos samtang ro suspek nga presenteng nakakulong sa lock-up cell it Batan pnp hay si Emar Protecio, parehong residente it nasambit nga lugar.
Ginpahayag ni Batiles nga matapos nga mabaril it suspek ro biktima bangud sa owa pagka-ilintindihan hay insigida raya nga nagpaeagiw, apang nadakpan man sa ginpatigayon nga hot pursuit operation.
Matapos nga madaplisan it bala sa anang eawas hay gindaea si Francisco sa sangka pribadong ospital nga makaron hay padayun nga naka-confine.
Nagapadayun pa ro imbestigasyon it pulisya sa nasambit nga insidente.
