KALIBO, Aklan—Naga-abot eon sa 44 nga banwa ag siyudad sa western visayas ro natumod it kapulisan bilang election areas of concern.
Suno kay P/Lt. Col. Arnel Solis, tagapaghambae it Police Regional Office ukon PRO-6 nga pila sa nasambit nga mga lugar hay nakapaidaeum sa yellow, orange ag red category.
Sangka banwa sigon sa Aklan ro naeakip sa listahan nga nakabutang sa orange category ukon areas of immediate concern.
Samtang, nakalista man it 6 nga banwa sa antique kun sa siin ro sambilog hay yellow category ukon areas of concern ag ro lima hay sa orange category.
May nailista man nga 4 nga election hot spot areas sa Capiz.Sambilog kara hay sa yellow category ag tatlo sa orange category.
Sa probinsya it Iloilo, 13 ro ginpaidaeum sa orange category ag sambilog ro red category.
Ro category red suno kana hay ro mga lugar nga may history it kinagamo, hugut nga political rivalry ag armed threats it mga lokal nga teroristang grupo partikular ro CPP-NPA.
Nakabutang man sa poll watchlist ro 19 nga banwa sa Negros Occidental, kun sa siin daywa sa mga raya hay sa yellow, 13 sa orange ag 4 sa red category.
Ginpahayag ni solis nga ro nasambit nga mga lugar hay ginatutukan eon it mga kapulisan para sa eo
