KALIBO, Aklan—Malipayon nga ginbaton it mga masuwerte nga tagdaog it Enhanced Swerte sa Palengke 2023, Balde Baldeng Pa-Premyo na may cash pa ro andang mga nadag-an nga premyo sa 4th weekly draw sa nasambit nga promo it Bombo Radyo ag Star FM, makaron nga adlaw it Lunes sa sangka simpleng awarding ceremony sa broadcast center it Bombo Radyo Kalibo.
Nag-uli it daeagkuan nga mga cash prizes ro major studio winners nga sanday Elsa Loyola it Poblacion, Tangalan bilang 1st prize nga nagbaton it 5,000 pesos gamit ro proof of purchase nga efficacent oil ; 2nd prize winner si Mary Joy Icamina it Bugasongan, Lezo nga naggamit it knorr cubes bilang proof of purchase nga nagbaton it 4,000 pesos ag 3rd prize si Luzbella Reludo it Bulabud, Malinao, naggamit it proof of purchase nga silver swan nga nagbaton it P3,000 nga cash.
Samtang, ro mga consolation prize winners nga nagbaton it tig-1,000 pesos hay sanday anna marie iguban it mantiguib, makato nga naggamit it proof of purchase nga efficascent oil ; Mylen Ayeras it Ugsod, Banga nga may proof of purchase nga knorr cubes ag si Teofila Malbas it Mabilo, Kalibo nga naggamit it proof of purchase nga silver swan.
Sa mga promo participants, padayon eang nga magpasakop bangud malay niyo, kamo eon ro masunod nga magadaog sa Week 5 it Enhanced Swerte sa Palengke promo 2023 it Bombo Radyo ag Star FM.
