-- ADVERTISEMENT --
KALIBO, Aklan—Magapangatubang sa pag-eabag sa municipal ordinance sa idaeom it Republic Act No. 8550 ukon The Philippine Fisheries Code of 1998 ro limang ka mga mangingisda kasunod it pagkaaprehend sa mga raya nga illegal nga nagapangisda sa kaeawran nga sakop it banwa it Batan.
Sa ginpatigayon nga pagpatrolya sa nasambit nga kaeawran, naaktuhan nga illegal nga nagapangisda sanday Lenard Lorenzo, 21-anyos; Ken Lorenzo, 28-anyos; Leonard Amboan, 28-anyos; Chris Lorenzo, 25-anyos ag Jonard Julian, sa legal nga edad ag parehong mga residente it Roxas City, Capiz.
Narekober sa mga raya ro 5 kilo it alimango nga nagabalor it P1,000 ag iba pang gamit sa pagpangisda.
