KALIBO, Aklan—Posibleng magapangatubang it five counts it first-degree intentional homicide ag iba pang dugang nga mga charges ro driver nga nagsagasa it limang katawo samtang 40 nga iba pa ro ninahan matapos nga ginpaharorot kara ro anang SUV sa Christmas parade sa Waukesha, Wisconsin.
Suno kay Bombo International Correspondent Greg Aguilar nga nagaguwa sa imbestigasyon it mga otosidad nga ginhungod it suspek nga ginkilaea kay Darrell E. Brooks Jr., 39 anyos ro pagpaharorot it anang pueang SUV paadto sa mga tawong nagakinasadya sa pagselebrar it Waukesha Christmas parade.
Si Brooks hay may daywang dominggo pa eamang nga nakaguwa sa presuhan bangud sa ginapangatubang nga domestic abuse case nga may piyansang $1,000.
Dugang pa kara nga posibleng owa sa anang tama nga pag-isip ro suspek rason nga anang nahimo ro nasambitan nga butang.
Nasayuran nga kaabuan sa mga naninahan nga biktima hay mga unga.
Sa makarun hay una eun sa kostudiya it mga otoridad ro suspek samtang nagapadayun pa ro imbestigasyon sa insidente.
