-- ADVERTISEMENT --
KALIBO, Aklan—Ninahan nga gindaea sa Aklan Provincial Hospital ro sangka 53-anyos nga eaeaki matapos nga mahapit it van bandang alas-10:00 it gabie sa Poblacion, Altavas.
Ginkilaea ro biktima nga si Rodolfo De Pedro it Brgy. Man-up sa nasambit nga banwa.
Sa inisyal nga imbestigasyon it Altavas PNP, nagabaktas sigon ro biktima kat gulpi eamang raya nga nahapit it van nga gintunaan it anang pagkatumba nga nagresulta man sa pag-angkon nana it lastro sa ueo.
Ro driver it behikulo hay presente nga una sa kustudiya it Altavas Police Station para sa nagakaigong disposisyon.
