-- ADVERTISEMENT --
KALIBO, Aklan—Patay ro sangka 54-anyos nga mangingisda samtang nagakaon it pamahaw kaibahan ro daywang iba pa sa bibi it baybay bandang ala-1:30, Sabado it aga-aga sa Barangay Odiong, Altavas.
Dead on the spot matapos masunog ro printi nga porsyon it eawas it biktimang nakilaea nga si Rosalito Pador, residente it nasambit nga lugar.
Base sa report it Altavas Municipal Police Station, nagpanilong anay ag nagkaon sa sangka payag ro biktima kaibahan ro daywang iba pa antes ro pag-eayag sa dagat agud nga magpangisda.
Gulpi eamang sigon nga nagdueom ro kaeangitan ag nag-eain ro tyempo kung siin nakaangkon it mataeom nga kilat sa lugar ag tinamaan ro biktima.
